Rhaglen Gwibdeithiau 1999 Aelodau yn unig

Dydd Mercher, 12 Mai, 1999 - GWIBDAITH DIWRNOD LLAWN Diwrnod Ym Meirionnydd

Cost £20, am ddiwrnod 'moethus' sy'n cynnwys pris y bws, coffi yn y bore, sgwrs ddarluniadol ar Eryri a chino ysgafn i ddilyn - hyn oll ym Mhlas Tan y Bwch, Maentwrog - ac ymweliad brynhawn i Lasynys, cartref Elis Wyn. Yna, cawn cinio gyda'r nos cynnar ngwesty St. David's yn Harlech. UN BWS O GAERGYBI YN UNIG A REDIR YMLAEN O BORTHAETHWY, GYDA BWS BACH O GYFEIRIAD AMLWCH I GYSYLLTU A'R BWS YM MHORTHAETHWY (COED CYRNOL) Anfonwch eich ceisiadau yn fuan i Mrs Margaret Hughes, Penymaes, 1 Bryntirion, Llanfairpwll LL61 5YP (Ffôn 01248 712084).

Dydd Sadwrn, 12 Mehefin,  1999 - GWIBDAITH DIWRNOD LLAWN Cerdded: Sarn Helen i Goed y Brenin

Cawn ein harwain gan Frances Llewellyn, gyda Peter Crew (Parc Cenedlaethol Eryri) i gylch Coed y Brenin eleni i weld peth o archaeoleg amrywiol y rhan yma o'r Eryri. Pum milltir yw pellder y cerdded, y rhan fwyaf ar i lawr ar ôl ychydig o ddringo hawdd ar ddechrau'r daith (CM 734312) i gyrraedd Sarn Helen. Diwedd y daith fydd y ganolfan ymwelwyr, Coed y Brenin (CM 716277). Ar ein ffordd cawn weld adfeilion hen faes ymarfer yn dyddio o Ryfel y Boer, odynau priddlechi Rhufeinig, Sarn Helen, carreg Llechi Idris a mynment gynnar Gristnogol. Yn y goedwig gwelir cylch cytiau o'r oes Rufeinig, datgloddiad diweddar hen ffwrnais flast o'r oesodd canol ac olion eraill o'r gorffennol. Gan fod y tir anesmwyth mewn mannu, mae'n angenrhediol i wisgo esgidiau cryfion, a dillad i wrthsefyll gwynt a glaw yn ôl tywydd ar y diwrnod. Dewch a bwyd ysgafn ar gyfer yr egwyl o 40 munud ganol dydd. Ceir ysbienddrych yn ddefnyddiol ar y tir uchel! Codir aelodau ar y bws yn y bore yn Llangefni (Llyfrgell, 8.30), Llanfairpwll (Swyddfa Bost, 8.50) a Phorthaethwy (Coed Cyrnol, 9.00) Rhaid cyfyngu'r nifer i 50 o deithwyr fel o'r blaen, a'r gost fydd £16.00 y pen, gan gynnwys pryd o fywyd deugwrs ar ddiwedd y dath yng Ngwesty'r Sior III, Penmaenpool. Trefnwyr: Frances LLewllyn a Gwynne Morris Jones (Ffôn 01407 832861)

Dydd Sadwrn, 17 Gorffennaf, 1999 - GWIBDAITH HANNER DIWRNOD Porth Amlwch

Fe'n harweinir ar daith gerdded o gwmpas yr hen borthladd gan ysgrifennydd Ymddiriedolaeth Diwydiannol Amlwch, Mr Bryan Hope. Mae'r hanes ddiddorol, a gwelir hyd heddiw hen adfeilion y diwydiannau copr a saernïaeth llongau a ffynnent yno unwaith. Man cyfarfod - yn y maes parcio ar tir uchel ar ochr ddwyreiniol y porthladd, nid wrth yr harbwr, am 2 o'r gloch. Mae'r maes ychydig tu hwnt i hen adeilad Shell (CM 452936), a chodir yr arwyddion A.A.S. fel arfer i ddangos y ffordd o'r sgwar ger y porthladd. Cofiwch ddod a dillad gwrth-ddwr os bydd glaw yn debygol! Trefnwyr: Gwynne Morris Jones (Ffôn 01407 832861) a Bryan Hope

Dydd Mercher, 1 Medi, 1999 - GWIBDAITH DIWRNOD LLAWN "Yr hen Sir Fflint"

Bydd dwy goets yn pigo i fyny fel arfer ar draws yr ynys cyn ymuno ym Mhorthaethwy i fynd a ni i ran o'r wlad 'roeddym yn adnabod, cyn 1974, fel Sir Fflint. Ar ôl paned a bisged yn y Faenol Fawr, Bodelwyddan mi awn i weld Eglwys Santes Bridget, Dyserth cyn mynd ymlaen i Barc Etifeddiaeth Dyffryn Maesglas, Treffynon. Bydd amser yno i gael picnic ag i weld peth o'r gwaith cadwrol, yn enwedig y rhannau gyda cysylltiad a Mynydd Parys, ag i gael golwg ar Abaty Dinas Basing. Wedyn, ar ôl galw i weld gweddillion castell y Fflint, mi awn ar ffyrdd gwledig i Barc Kinmel, neuadd o'r ddeunawfed ganrif gyda cysylltiad a Mynydd Parys. I orffen y dydd mi awn i Westy y Ty Gwyn, Rhuallt i dorri chwant a syched cyn trafaelio adref. Bydd Mr Vernon Hughes RIBA, cyn bensaer gyda Cadw, yn ymuno â ni yn Abergele ac yn aros gyda ni drwy'r dydd ag mi gawn fanteisio ar ei brofiad tra bydd yn rhoi dipyn o hanes safleoedd y byddom yn ymweld. Trefnwyr: Dewi O Jones (Ffôn 01248 712566) a Gareth Parry (Ffôn 01248 722697)

Dydd Mercher, 15 Medi, 1999 - GWIBDAITH HANNER DIWRNOD Eglwys Sant Rhwydrys, Llanrhwydrys a Gardd Cestyll, Cemlyn

Mae eglwys presennol Sant Rhwydrys yn perthyn i'r 12 fed ganrif. Cyfarfod am 2.00 o'r gloch yn yr eglwys gyda chaniated caredig awdurdodau'r eglwys. Dilynwch y ffordd A5025 un ai o Fali neu Cemaes. O gyferied Fali cymerwch yr ail droad i'r chwith ar ôl mynd hebio Bwyty Pandy, tua dwy filltir ar ôl mynd trwy pentref Llanrhuddlad. O gyferied Cemaes cymerwch y troad i'r dde ym mhentref Tregele. Mae arwyddion yn dangos "Cemlyn" ar y ddau droad ac fe osodir arwyddion ychwanwgol gan y Gymdeithas yr Hynafiaethwyr. Mae'r eglwys tua dwy filltir o'r troadau ar hyd ffordd gul. Dilynwch arwyddion y Gymdeithas! Ar ôl sgwrs yn yr eglwys fe awn i weld Gardd Cestyll, gyda chaniatad caredig Mr. Stuart Price, Rheolwr Gorsaf Wylfa, Trydan Magnox. Creigfa yw'r ardd yn bennaf, yn cynnwys amrywiaeth mawr o blanhigion anghyffredin ac fe'i rhennir gan ffrydiau a phontydd. Rhoddir cyfarwyddyd i gyrraedd Cestyll cyn cychwyn o'r eglwys. Trefnyddion: J.C. Davies (Ffôn. 01407 762914) a John Rowlands.