Dydd Iau, 16 Mai, 2002 am 6.30 o'r gloch - Gwibdaith Gyda'r Nos
"Hafoty" ger Llansadwrn 

Adeiladwyd y ty canoloesol hwn yn wreiddiol gyda ffram goed ond, yn ddiweddarach, wedi ei gau i mewn gan furiau cerrig. Mae yn adeilad unigryw yng Ngogledd Cymru. Dros y ddwy flynedd diwethaf mae CADW wedi goruchwylio atgyweiriad gofalus gan grefftwyr. Dadorchyddwyd lawer o hanes y safle yn y broses. Mae Dr Mike Yates, Arolygwr Cofgolofnau Hynafol CADW, wedi cytuno'n garedig i'n tywys o amgylch y safle.

Mae "Hafoty" wedi ei leoli ar Gyfeiriad Map 563782. Troi am Llanddona oddi ar lôn Pentraeth i Biwmares (B5109). Mae'r gyffordd rhyw 3 milltir o'r ddau a bydd arwydd 'AAS' yno. Bydd arwyddion AAS eraill mewn rhyw filltir i lawr y ffordd i ddangos lle i barcio.

Trefnwyr: Gwynne Morris Jones (01407 832861) ac Andrew Davidson. 

Dydd Sadwrn, 8 Mehefin, 2002 - Gwibdaith Diwrnod Llawn
Coedwig Gwydyr - Mwyngloddiau, Capel a Castell

Teulu’r Wynniaid oedd yn gyfrifol am yr uchod a threiliwn y dydd yn dilyn llwybyr a ddatgelir ehangder eu dylanwad ar yr ardal.

Bwriedwn ymweld â phedwar mwynglawdd - pob un yn wahanol ac mewn cyflwr adfeilus amrywiol. Bydd medrusrwydd peirianwyr y cyfnod yn amlwg fel y teithiwn o safle i safle ac hefyd cyndynrwydd y planhigion anghyffredin sydd yn gallu dygymod a'r pridd gwenwynig o gwmpas. Ar y ffordd i lawr i Ddyffryn Conwy ymwelwn a Chapel Gwydyr Uchaf. Dechreuwyd hwn yn 1673 ac mae yno nenfwd syfrdanol wedi ei baentio yn y dyll 'baroque'. Mae’r “llwybyr” yn gorffen yng nghartref y Wynniaid, Castell Gwydyr.

Rhyw 5 milltir ar hyd ffyrdd gweddol hawdd, ag eithro elfen raddol o ddringo o Ty Hyll, yw hyd y daith. Er hynny awgrymir gwisgo esgidiau cerdded cryfion ynghyd a dillad addas i'r tywydd a hefyd - peth pwysig iawn - picnic ar gyfer seibiant canol dydd.

Bydd y bws yn pigo i fyny wrth Llyfrgell Llangefni, Swyddfa Bost, Llanfairpwll a Coed Cyrnol, Porthaethwy. Ar ôl pryd yn "Amser Da", Llanrwst dylem fod yn ôl yn Llangefni erbyn 8.30 gyda'r nos.

Y gost fydd £20 y person, yn cynnwys mynediad i’r castell.

Fel arfer rhaid cyfyngu'r nifer i 50 - y cyntaf i'r felin ....

Trefnwyr: Frances Llewelyn a Gwynne Morris Jones (01407 832861)

Dydd Sadwrn, 6 Gorffennaf, 2002 am 2.00 o'r gloch - GWIBDAITH HANNER DIWRNOD
Ardal Ynys Lawd, Caergybi

Cyfarfod ym maes parcio y CBeAA (Cyfeiriad Map SH212829) sydd hanner ffordd i fyny'r allt i Ynys Lawd. Fe fydd y wibdaith mewn dwy ran.

Bydd Mr Nigel Brown, Curadur Gerddi Llysieuol Treborth, yn arwain y rhan gyntaf. Bydd yn atodi y sgwrs a draddododd yn y Cinio Blynyddol diwethaf gan ddangos rhai o'r eitemau a ddisgrifiodd. Wedyn bydd Mrs Frances Llewelyn yn arwain ymweliad a safle henafol Cytiau Ty Mawr. Eleni yr ydym yn dathlu dau gan mlwyddiant geni W O Stanley, Penrhos, a fu'n gyfrifol am y cloddio aroesol yma yng nghanol y bedwaredd ganrif a'r bymtheg. Fe fu cloddio mwy diweddar yn yr ail ran o'r 20ed. ganrif. 

Dylid gwisgo esgidiau cryfion ar gyfer y wibdaith.

Trefnwyr: J C Davies (01407 762914) a John Rowlands. 

Dydd Mercher, 24 Gorffennaf, 2002 - GWIBDAITH DIWRNOD LLAWN
Canolfan y Dechnoleg Amgen(CDA) a Tywyn

Ar ôl pigo i fyny ar hyd yr A5, a chwrdd a’r “bws bach” o ffordd yr A5025, bydd un goets yn gadael Porthaethwy ac yn galw ym Mhorthmadog am baned boreol. Wedyn i’r CDA lle bydd amser i gael eich picnic neu prydlen yn y caffi cyn crwydro’r safle. Mae yna lawer yw weld a rhyfeddu ato – beth sydd i ddod o’r byd yn y dyfodol? Wedyn i Dywyn lle bydd ficer Sant Cadfan yn dweud hanes ei eglwys a rhai o’r gweddillion hynafol sydd yno. 

Am adref drwy Ddolgellau a Bala gyda seibiant i gael lluniaeth yng Ngwesty Waterloo. Betws y Coed, ac yn ôl ym Mhorthaethwy tua 7 o’r gloch. Y gost fydd £26.00 y person.

NODER y bydd CYNLLUN SEDDAU mewn grym ar y goets, bydd y seddau yn cael ei rhannu fel y daw archebion i law.

Trefnwr:  G W Parry     Ffôn: 01248 722697

Dydd Gwener - Dydd Sul, 6 -  8 Medi, 2002 -  GWIBDAITH PENWYTHNOS
Abertawe a’r Gardd Fotaneg Cenedlaethol

Ar ôl pigo i fyny yn y safleoedd arferol ar hyd yr A5, a chyfarfod y “bws bach” o Amlwch, bydd un goets yn gadael Coed Cyrnol, Porthaethwy am 9 o'r gloch bore dydd Gwener. Paned boreol ym Mhorthmadog cyn aros dros dro yng Nghanolfan Crefft Corris. Bydd amser i gael eich picnic neu prynu tamaid yn yr ystafell de a gweld beth sydd ar gael yn y Ganolfan. Paned prynhawn yng Ngwesty Ty Glyn, Capel Aeron. Seiliedig yng Ngwesty Ramada Jarvis yn Abertawe cawn sgwrs ar ôl swper am gysylltiad y dref a Mynydd Parys. 

Bore Sadwrn awn i ymweld â’r amgueddfeydd yn yr “Ardal Arforol” cyn cinio bach yn y gwesty a threulio’r prynhawn yn yr Ardd Fotaneg Genedlaethol. 

Ar y ffordd adref dydd Sul byddwn yn aros am baned boreol yn Llandrindod, cinio yn y Trallwng ac awr yng Nghastell y Waun. Seibiant a phaned yng Ngwesty Dewi Sant, Ewloe gan fwriadu cyrraedd Porthaethwy erbyn hanner wedi chwech.

NODWCH: bydd CYNLLUN SEDDAU mewn grym ar y goets – bydd y seddau yn cael ei rhannu fel y daw archebion i law.Cost: £130.00 i aelodau Ymddiriedolaeth Genedlaethol (YG) £134.50 i eraill.

Trefnwr: G W Parry Ffôn - 01248 722697