Rhaglen Gwibdeithiau 2001 Aelodau yn unig

Dydd Iau, 17 Mai, 2001 - Gwibdaith Hanner Diwrnod "Hafoty" ger Llansadwrn  Dileuwyd y Gwibdaeth oherwydd cyfyngiadau yn sgil Clwy'r Traed a'r Genau

Dydd Sadwrn, 9 Mehefin, 2001 -Gwibdaith Diwrnod Llawn Coedwig Gwydyr - Mwyngloddiau, Capel a Castell Dileuwyd y Gwibdaeth oherwydd cyfyngiadau yn sgil Clwy'r Traed a'r Genau

Dydd Sadwrn, 7 Gorfennaf, 2001 - GWIBDAITH HANNER DIWRNOD Tair Eglwys diddorol yn Amlwch

Bydd y cyfarfod cyntaf yn Eglwys Sant Eleth, Sgwâr Dinorben am 2 o’r gloch. Ar ôl gwaith trin mae'r eglwys hon wedi ei haddasu ar gyfer addoliad cyfoes. Bydd Mrs Frances Llewelyn yn rhoi sgwrs fer ar hanes y safle ac am ddirgelwch y pennau cerfiedig canol oesol a ddarganfuwyd yn y twr yn ystod y gwaith trin. Am 3 o'r gloch yng Nghapel y Methodistiaid Seisnig, Stryd Wesley bydd Mr John Rowlands, awdur y llyfr Copper Mountain, yn sôn am y cysylltiad a'r gweithwyr o Gernyw ac am James Treweek, goruchwyliwr y mwynglawddio, ar Mynydd Parys. Am 4 o'r gloch ymwelwn a Eglwys yr Arglwyddes Mair, Seren y Môr ar Ffordd Porth llechog. Ceir sgwrs fer ar bensaernïaeth unigryw a hanes yr eglwys gyfoes hon. Mae yna dri maes parcio "talu ac arddangos" o fewn rhyw 150 llath o Eglwys St Eleth a Capel y Methodistiaid Saesneg. Mae’n llai na hanner milltir o’r fan hynny i'r Eglwys Babyddol. Os yw'n bosib i chwi a wnewch gerdded yno er mwyn gadael yr ychydig safleoedd parcio i'r henoed a’r anabl. Trefnwr: J O Hughes (( 01407 830186)

Dydd Mercher, 25 Gorffennaf, 2001 - GWIBDAITH DIWRNOD LLAWN Ceiau Salford a Canolfan Lowry

Wedi pigo i fyny yn y safleoedd arferol ar hyd yr A5 a chyfarfod bws bach o Amlwch bydd un bws yn gadael Porthaethwy am 9.00 o'r gloch i drafeilio ar hyd yr A55 ac amryw draffordd i safle hen borthladd Manceinion sydd wedi ei adnewyddu fel "Salford Quays". Dylai fod y gwaith adnewyddu wedi ei gwblhau erbyn ein ymweliad. Arhoswn yng Ngwesty Parc Dewi Sant yn Ewloe am baned ar y daith. Bydd y bws yn ein gadael tu allan i Canolfan Lowry. Mae yno gaffi yn gwerthu byrbrydiau neu bydd siawns i gymryd eich picnic y tu allan. Wedyn bydd amser i grwydro drwy yr orielau neu fynd am dro i weld yr adnewyddiadau. (Mae'n bosib trefnu awr o daith tywys i 15 person i weld y cymleth theatr am gost ychwanegol). Am 3 o'r gloch byddwn yn ymuno a'r Princess Katherine am awr o fordaith ar hyd y gamlas cyn cychwyn tuag adref gan alw yn Gwesty Kinmel Manor am bryd o fwyd. Dylem gyrraedd yn ôl ym Mhorthaethwy erbyn 8 o'r gloch. Côst £28.00 y person. Trefnwr: Gareth Parry ((01248 722697)

Dydd Gwener - Dydd Sul, 7 -  9 Medi, 2001 -  GWIBDAITH PENWYTHNOS St Albans a Verulamium

Ar ôl pigo i fyny yn y safleoedd arferol ar hyd yr A5 a chyfarfod bws bach o Amlwch bydd un bws yn gadael Coed Cyrnol, Porthaethwy am 9 o’r gloch bore Dydd Gwener. Paned boreol yn Gwesty Dewi Sant, Ewloe cyn aros dros dro yn Attingham Park (YG) ger Amwythig. Bydd amser i gael eich picnic neu prynu tamaid yn yr ystafell te. Seiliedig yng Ngwesty Noke Thistle yn St Albans cawn sgwrs ar ôl swper am hanes y dref, taith dan arweiniad drwy'r Gadeirlan hefo cinio yn y ffreutur ac ymweliad a Amgueddfa Verulamium i gyfarfod "milwr Rhufeinig". Ar y ffordd adref dydd Sul byddwn yn aros yn Baddesley Clinton (YG) am ginio ag i weld y Ty a'r gerddi a galw eto yn Gwesty Dewi Sant am de prynhawn. Côst: £145.00 i aelodau Ymddiriedolaeth Genedlaethol (YG) £154.00 i eraill Trefnwyr: Dr a Mrs I W Griffith. (( 01248 713134)