Rhaglen Gwibdeithiau 2000 Aelodau yn unig

Dydd Sadwrn, 13 Mai, 2000 - GWIBDAITH HANNER DIWRNOD Garreglwyd a Porth Swtan

Cyfarfod am 2 o'r gloch yn Garreglwyd. Trowch oddi ar yr A5025 i mewn i bentref Llanfaethlu, ac fe welwch arwyddion A.A.S. yn eich cyfeirio am hanner milltir i'r gorllewin cyn troi i'r dde ar lôn breifat Garreglwyd a pharcio nepell o'r ty. Cawn gyfle i weld o gwmpas y ty yng nghwmni Mr. Tom Carpenter, a cherdded yn y gerddi. Wedyn cawn sgwrs gan Mr. S. Rhydwen-Jones ar Borth Swtan, a chyfarwyddyd i deithio ymlaen yn ein cerbydau i Borth Swtan, lle geir cyfle i rannu eto mewn grwpiau llai i ymweld a'r Borth a/neu prynu lluniaeth yn lleol. Codir ychydig fel pris mynediad yn Garreglwyd. Trefnwyr: Gwynne Morris Jones (( 01407 832861) and J.O. Hughes (( 01407 830186)

Dydd Sadwrn, 10 Mehefin, 2000 - GWIBDAITH DIWRNOD LLAWN Pen y Gaer a Llanaelhaearn

Mae Frances Llewellyn wedi cytuno'n garedig iawn i'n harwain ar ein taith gerdded eleni i'r ucheldir sy'n gorwedd i'r dwyrain o Lanaelhaearn. Unwaith yn unig fydd rhaid dringo - ar ran gyntaf y daith i Ben y Gaer, (428455 ar y map) cyn yr egwyl ginio - a chawn ein cludo i'r man cychwyn mewn bws, i Fferm Tyddyn Mawr (430447). Y pellder i gerdded fydd rhwng 5 a 6 milltir, gan orffen yn Llanaelhaearn lle cawn weld yr eglwys. Ar y ffordd fe welwn enghreifftiau o gylchoedd cytiau, systemau amaethu, ponciau clustog a hefyd olion diweddarach o hen felin ddwr. Os bydd y tywydd yn ffafriol, cawn weld olygfeydd arbennig i gyfeiriad Llyn a Bae Ceredigion. Rhaid gwisgo 'sgidiau cryfion, ac ymwisgo yn ôl tywydd y diwrnod. Cofiwch ddod a bwyd ysgafn ar gyfer yr egwyl ginio. Yn y bore fe dodir aelodau ar y bws yn llangefni (8.30), Llanfairpwll ger Swyddfa'r Post (8.50), Coed Cyrnol, Porthaethwy (9.00) a Chaernarfon (9.15) a gobeithir cyrraedd yn ôl i Langefni erbyn 8.00 yn yr hwyr. Trefnir pryd o fwyd dau gwrs yng Ngwesty'r 'Coach', Clynnog Fawr am chwech o'r gloch yr hwyr, a'r cost am y diwrnod fydd £15 y pen. Cyfyngir y nifer fel arfer i'r 50 cais cyntaf. Trefnyddion: Frances Llewellyn and Gwynne Morris Jones ((Tel 01407 832861)

Dydd Mercher, 5 Gorfennaf, 2000 - GWIBDAITH HANNER DIWRNOD Niwbwrch - Sefydliad Pritchard-Jones a Safle Cloddiad Rhosyr

Cawn sgwrs gan y Cynghorydd Gwyn Jones ar Pritchard Jones a'r Neuadd, a Llyfrgell y Sefydliad. Yn ail ran y prynhawn, danghosir fideo a cheir sgwrs gan David Longley ar y gwaith diweddar yn Rhosyr, ac yna ymweliad â'r safle. Cyfarfod yn Sefydliad Pritchard-Jones (425657 ar y map) am 2 o'r gloch. Ar groesffordd Niwbwrch, ar yr A4080 ger Swyddfa'r Post, trowch i'r dde os yn teithio o gyfeiriad Brynsiencyn, neu i'r chwith os yn dod o gyfeiriad Malltraeth, a mae'r adeilad can medr ar y chwith (parcio yn y lon). Trefnwyr: John Harding (( 01407 840801) and Jeff Lewis (( 01248 430650)

Dydd Sadwrn, 22 Gorffennaf, 2000 - GWIBDAITH DIWRNOD LLAWN Porthmadog - Penrhyndeudraeth - Criccieth

Un bws, gyda cyswllt o Amlwch i Borthaethwy. Ymlaen oddi yno yn y bws mawr i Ganolfan Hamdden Glaslyn ym Mhorthmadog i gyfarfod â Mr. Paul Williams, Warden safle'r Gwaith Powdwr ym Mhenryndeudraeth, ac i glywed am y gwaith o droi'r safle yn warchodfan natur. Yna, cawn ginio ysgafn yn y Ganolfan cyn teithio i'r Penrhyn i weld y safle gyda Mr. Williams. Wedi hyn awn yn y bws i Griccieth lle cawn weld yr arddangosfa ragorol yn y Castell, neu gerdded o gwmpas y dref a glannau'r môr yn hamddenol. Cinio gyda'r nos: Gwesty'r George IV, Criccieth. Cost £22.50 yn cynnwys pris y bws, y sgyrsiau, ymweld a safle'r Gwaith Powdwr, a'r ddau pryd bwyd. Yr aelodau i dalu mynediad i'r Castell. Trefnwyr: Margaret Hughes a J.M. Lewis ((01248 430650)

Dydd Iau - Dydd Sul, 14 -  17 Medi, 2000 -  GWIBDAITH PEDWAR DIWRNOD Bolton, Sir Gaerhirfryn

Anfonwch yn gynnar i sicrhau lle ar y daith hon i astudio un o drefi gweithfaol Prydain, enwog yn oes Victoria am wau a diwydiannau trymion. Dau fws yn codi yn y mannau arferol ym Môn, ond un yn unig (48 sedd) yn teithio ymlaen o Borthaethwy am 9 o'r gloch bore Iau. Arhosir mewn prif westy 'The Last Drop Village' ar y cyrrau yn edrych dros y dref o'r gogledd. Rhaglen lawn yn cynnwys ymweliadau â gweddillion o'r Canol Oesoedd, y Rhyfel Cartref, Samuel Crompton a pheiriannau gwau cynnar yn Amgueddfa Helmshore. Ceir dau gyfarfod gyda'r nos yn y gwesty - sgwrs ar 'William Lever', a fideo dogfennol ar Bolton. Efallai y trefnir ymweliad (dewisol) â theatr un noswaith. Bydd amser hefyd i ymweld â sopau canol y dref a safleoedd hanesyddol. Cynhwysir y prydau bwyd i gyd yn y gost (£196 y pen) ar wahân i'r cinio canol dydd Gwener. Ni fydd atodiad pris am ystafelloedd sengl. Dylwelwn i Borthaethwy tua 5.15 nos Sul, a danfonir manylion llawn ar ôl debyn ffurflenni cais. Trefnydd: Bob a Mary Mason, Bodnolwyn Wen, Llantrisant, Ynys Môn LL65 4TW (( 01407 730604)